आइतबार परराष्ट्र मन्त्री नियुक्त भएसँगै उनी तेस्रोपटक मन्त्री बनेका हुन् ।
आइतबार परराष्ट्र मन्त्री नियुक्त भएसँगै उनी तेस्रोपटक मन्त्री बनेका हुन् ।
नेपाली काङ्ग्रेसका नेता एनपी साउद तेस्रो पटक मन्त्री बनेका छन् । आइतबार परराष्ट्र मन्त्री नियुक्त भएसँगै उनी तेस्रोपटक मन्त्री बनेका हुन् । २०३६ सालमा पञ्चायती शासनका समयमा महेन्द्र माध्यमिक विद्यालयमा नेविसंघका इकाइ सचिब बनेका उनी २०४६ सालमा २६ वर्षकै उमेरमा नेबिसंघको केन्द्रीय सचिव नियुक्त भएका थिए ।
त्यसको तीन वर्षपछि ०५१ को मध्यावधि निर्वाचनमा प्रतिनिधिसभा सदस्यमा प्रतिस्पर्धा गरेका साउद पराजित भए । ०५६ मा कञ्चनपुरबाट निर्वाचित उनी शिक्षा राज्यमन्त्री बने ।
०५९ सालमा शेरबहादुर देउवा नेतृत्वमा कांग्रेस विभाजित भएर नेपाली कांग्रेस प्रजातान्त्रिक बनेपछि साउद केन्द्रीय सदस्य भए । ०६४ मा कांग्रेस र कांग्रेस प्रजातान्त्रिकबीच एकता हुँदा उनले केन्द्रीय सदस्य पद नै पाएका थिए । त्यसयताका महाधिवेशनमा उनी लगातार केन्द्रीय सदस्यमा निर्वाचित भएका छन् ।
०६४ मा निर्वाचन हारे । ०७० को निर्वाचनमा जितेका साउद सिँचाइमन्त्री बनेका थिए । ०७४ मा निर्वाचन हारे । ०७९ मा आमनिर्वाचनमा विजयी उनी परराष्ट्रमन्त्री बन्न सफल भएका हुन् ।
Comments 0